Tefillin

D Tefillin bestöön us Hand-Tefillin (linggs) und Chopf-Tefillin (rächts)
E junge Maa mit Tefillin in dr Altstadt vo Jerusalem in dr Nööchi vo dr Kotel Maaravi. Sini Tefillin si noch em sefardische Ritus bunde.

Tefillin (תפילין təfilin, singular hebr. תפילה təfila „Gebät“), dütsch Gebätrieme, mänggisch au Phylakterie, si e Bäärli vo schwarze Rieme us Lääder wo s chliini Kapsle us Lääder draa het. In dene Kapsle si Teggst us dr Tora, wo vo Hand uf Pergamäntrölleli gschriibe si. D Tefillin wärde vo religiööse jüüdische Manne – im Reformjuudedum zum Däil au vo Fraue – an de Wuchedääg bim Morgegebät (hebr. Schacharit), aagläit. Dr Hand-Däil wird am Oberarm aagläit und d Rieme wärde um en Arm, um d Hand und um d Finger gwigglet, dr Chopf-Däil wird über dr Stirne aagläit. S Aalege vo de Tefillin söll e Maanig si, ass mä de Gebot vo Gott muess folge. Iiri Form, wie mä si aaläit und was in de Gebätskapsle isch, isch im Talmud ufgschriibe.


© MMXXIII Rich X Search. We shall prevail. All rights reserved. Rich X Search